預祝各位母親節快樂💕
仲有兩日就到母親節喇，大家諗好點慶祝未呢？
我哋就預早同婆婆慶祝母親節，今次搞搞新意思，帶咗Jasmine一齊整蛋糕送俾婆婆。
之前去過上烘焙班整蛋糕，價錢比較貴而且製作時間長，小朋友未必咁有耐性。今次就試吓喺DIY自助烘焙店跟住食譜做蛋糕，價錢相對親民，最重要係店內提供哂所需工具及材料，兩手fing fing 就可以去做蛋糕。
雖然DIY蛋糕全部步驟都要自己做，不過蛋漿及餡料等已經預備好哂。另外店員們都好好，當我遇到問題佢哋都會一一解答。今次整呢個蛋糕對新手嚟講難道都幾高，但我哋都可以順利完成，蛋糕仲好好味添！
由於Jasmine仲細未可以幫到忙，不過佢都有做吓小幫手，幫我攞吓工具，做啲輕易嘅步驟例如攪拌材料咁，一齊合作做出嚟嘅蛋糕特別好味㗎！
#阿茂整餅 #親子活動 #親子好去處 #母親節節目推介 #親子烘焙 #母親節快樂 #母親節禮物 Kathryn Fong
Search